Presidenti bjellorus Aleksander Lukashenko duket se ka zbuluar se Moldavia mund të jetë vendi i radhës që do pushtohet nga Rusia. Aleati i ngushtë i Putinit, që quhet shpesh edhe diktatori i fundit i evropës, duket se zbuloi pa dashur lëvizjen e radhës së moskës ndërsa po prezantonte në televizion trajektoret ruse të pushtimit të Ukrainës. Lukashenko qëndronte në këmbë përpara një harte të madhe beteje që tregonte Ukrainën, Rusinë, Bjellorusinë, Moldavinë dhe pjesë të tjera të rajonit. Duke mbajtur në dorë një tregues, si një mësues shkolle, ai trefonte në hartën pas tij planet e propozuara të betejës për trupat ruse. Harta detajonte planet e sulmit për Ukrainën, disa prej të cilave janë parë në terren ditët e fundit, si psh forcat që niseshin drejt Kievit nga veriu dhe nga Krimea në jug. Por, harta tregonte edhe një rrugë tjetër të mundshme për forcat ruse, përfshirë hyrjen në Moldavi nga qyteti port i ukrainës, Odesa. Imazhet tregonin një vijë të kuqe në hartë, që përputhet me një aks tjetër sulmi, që shtyhej përtej kufirit në Moldavi. Dhe një pjesë e vendit madje ishte e ngjyrosur me të kuqe, cka mund të sugjerojë një pushtim të mundshëm. E kjo padyshim shton frikën se Putin mund të mos ndalet vetëm me Ukrainën, në përpjekje për të rindërtuar Bashkimin Sovjetik.