Niveli i kërcënimit nga terrorizmi në Britani të Madhe është rritur në “kritik”, si masë parandaluese pas sulmeve që kanë ndodhur në Francë dhe Austri, deklaroi ministrja e Brendshme, Priti Patel. Ky ndryshim, që nënkupton se dhe Brotania eshte e rrezikuar nga nje sulm, vjen një ditë pasi agresori I Vjenës, i identifikuar si xhihadist i dënuar, ka lënë të vdekur katër persona në orët e vona të së hënës. Franca, në anën tjetër, është përballur me tre sulme në javët e fundit.“Kjo masë parandaluese është marrë pas shembujve të tmerrshëm që kemi parë në Francë javën e kaluar dhe ato që kemi parë natën e kaluar në Austri”, tha Patel në një deklarate për shtyp. Ajo tha se publiku nuk duhet të alarmohet dhe se ndryshimi i shkallës së kërcënimit nuk është bazuar në rrezik specifik. Sipas sistemit qeveritar të klasifikimit, niveli i ri nënkupton që është shumë e mundshme që ndonjë sulm të ndodhë. Shteti Islamik mori përgjegjësinë për sulmin terrorist, duke thënë në një deklaratë të tij se vrasja dhe plagosja e 30 kryqtarëve ishte kryer nga një “ushtar I kalifatit”. Kujtim Fejzulahu u zotua për aleancë ndaj Isis-it në një postim në Instagram vetëm pak orë përpara masakrës.