Pas Kryesisë, ish-kryeministri Sali Berisha, ka kërkuar mbledhjen e Këshillit Kombëtar të Partisë Demokratike. Mbledhja është njoftuar nga kreu i këtij organi drejtues, Edi Paloka, nëpërmjet një njoftimi drejtues anëtarëve, në të cilin thuhet: “Te nderuar antare te Keshillit Kombetar, te marten ne oren 17.00 do te zhvillohet mbledhja e Keshillit Kombetar per te diskutuar rreth zhvillimeve me te fundit politike dhe hapat qe do ndermarrim!” Kjo mbledhje vjen pas deklaratës së ish-kryeministrit për vijimin e fazës së dytë të revolucionit, ku ai nuk ka përjashtuar protestat e mosbindjen civile. Paralelisht ai ka kërkuar vijimin e punës për përgatitjen për zgjedhjet lokale të 14 majit, për të cilat janë zyrtarizuar kandidaturat për bashkitë. Paralelisht me këto zhvillime, Enkelejd Alibeaj, vijon punën për zyrtarizimin e kandidaturave të tij në garën për kryebashkiakë.