Miralem Pjanic i jep lamtumirën skuadrës përfaqësuese të Bosnje Hercegovinës. Ish mesfushori i Romës, Juventusit e Barcelonës që aktualisht luan në Emiratet e Bashkuara Arabe e mori këtë vendim pas 115 ndeshjeve të zhvilluara me fanelën e kombëtares së vendit të tij. ‘Pas 16 viteve me Bosnje Hercegovinën time, erdhi momenti për të thënë që gjithcka mbaroi-theksonte Pjanic në një postim në profilin e tij në Instagram-sigurisht ky është një prej vendimeve më të vështira që më është dashur të marr, por me krenari të madhe dhe me kënaqësi të vërtetë them; mjaft me kaq’ Pjanic e vijonte njoftimin e tij duke mos e fshehur aspak kënaqësinë për eksperiencën që ka përjetuar me Bosnjen. ‘Kam luajtur 115 ndeshje, kam ndjerë shumë gëzim, kam shkuar në Botëror-vijon Pjanic-ishte gjithcka kam ëndërruar që fëmijë dhe që u bë realitet. Gjithnjë e kam veshur fanelën e kombëtares së vendit tim me dashuri e krenari. I uroj përfaqësueses më të mirën për të ardhmen’ Pamjet: AFP