Partia në pushtet në Hungari, Fidesz ka vendosur të tërhiqet nga grupi më i madh e më i vjetër në Parlamentin Evropian, PPE. Kryeministri hungarez, Viktor Orban e njoftoi përmes një letre kryetarin e Grupit parlamentar të EPP-së, Manfred Ëeber, për këtë lëvizje që vjen vetëm një ditë pasi Partitë Popullore Europiane ndryshuan rregullat e brendshme në mënyrë që të lejonin përjashtimin e partive politike dhe vetëm anëtareve të një partie, ndryshim ky që u pa si mundësi për të përjashtuar edhe vetë fideszin nga radhët e tyre. “Ndryshimet në rregullat e grupit të PPE, janë qartazi një veprim armiqësor ndaj Fidesz dhe votuesve tanë... Kjo është anti-demokratike, e padrejtë dhe e papranueshme”, ka shkruar Orban në letrën drejtuar Ëeberit. PPE-ja, ku bëjnë pjesë edhe konservatorët e kancelares gjermane, Angela Merkel, ka pasur grindje të vazhdueshme me Fideszin për vite me radhë. Partia e krahut të djathtë, ka dy të tretat e deputetëve në Parlamentin hungarez dhe është në pushtet që prej vitit 2010. në 2018-tën, ajo u pezullua nga PPE-ja, por kishte ende ligjvënës në këtë grup parlamentar.Për një kohë të gjatë, BE-ja e ka akuzuar Orbanin se po minon liritë demokratike, mediat dhe organizatat joqeveritare si dhe sundimin e ligjit. Pavarësisht këtij largimi, grupi parlamentar kristiandemokrat, PPE mbetet më i fuqishmi në Parlamentin Europian.