Kalifornia filloi ndalimin e qarkullimit gjatë natës të shtunën në një përpjekje për të ndalur infektimet me koronavirus. Shifrat në shtetin perëndimor janë më të këqia tani se sa në periudhën e kulmit të arritur në gusht. Në të gjithë SHBA, bilanci ditor I viktimave të covid 19 ka kapërcyer 2000 për të parën herë që nga maji. Vendi ka tani më shumë se 12 milionë infektime të konfirmuara, me më shumë se 255 mijë viktima, sipas të dhënave të universitetit Johns Hopkins. Deri më tani, ky është bilanci më I rëndë në botë. Rreth 187 mijë infektime të reja u regjistruan në shkallë kombëtare të premten, një shifër kjo që shënon një rekord të paprekur që nga fillimi I pandemisë. Disa shtete kanë imponar rregulla të reja për mbajtjen e maskave dhe kufizime, në përpjekje për të luftuar rritjen dhe në Teksas, Roja Kombëtare po dislokohet në qytetin e El Pasos, për të ndihmuar në operacionet e morgut atje. Qendra për kontrollin dhe parandalimin e sëmundjeve, I ka kërkuar amerikanëve të evitojnë udhëtimet gjatë festës së falënderimeve më 26 nëntor, për të parandaluar rritjen e transmetimeve. Dita e falënderimeve zakonisht përbën javën më të mbushur me udhëtime në shba. Vitin e kaluar, rreth 26 milionë njerëz kaluan nëpër aeroportet e vendit në javën gjatë festës.