Katër të vdekur dhe 119 raste të reja me Covid 19 është bilanci i 24 orëve të fundit në Kosovë. Të dhënat i referohen testimit të 420 kampionëve me metodën RT-PCR. Kjo e con në 5237 numrin e përgjithshëm të infektimeve në vend. Ushtruesi i detyrës së drejtorit të Shërbimit Spitalor Klinik Universitar, Valbon Krasniqi tha se prej numrit të të konfirmuarve, 13 pacientë jane me ventilim mekanik, pra të intubuar që i cilësojnë si në gjendje kritike”. Por autoritetet shëndetësore kanë dhënë një lajm të mirë. Sipas tyre “ situata ka filluar të normalizohet, të jetë më e qetë dhe më nën kontroll”, deklaruan zyrtarë vendas. Krasniqi shtoi se në spitalin e Prizrenit janë shtuar edhe dhjetë shtretër për mjekim intensiv. Dy ditë më parë, qeveria e Kosovës vendosi një sërë masash të reja me qëllim parandalimin e përhapjes së mëtejshme të koronavirusit. Një prej tyre ishte që mbajtja e maskave të jetë e detyrueshme për të gjithë qytetarët e vendit, ndërsa të moshuarit do të kenë orar të caktuar se kur mund të lëvizin.