Bota po përballet me një pandemi abuzimesh me të drejtat e njeriut – thotë sekretari i përgjithshëm i OKB, Antonio Guterres. Regjimet autoritare kanë vendosur reduktime drastike të të drejtave dhe lirive si edhe kanë shfrytëzuar virusin si pretekst për të kufizuar lirinë e fjalës dhe disidencën. Në një shkrim për The Guardian, Guterres tha se pandemia e koronavirusit ka kthyer prapa vite progres në të drejtat e njeriut dhe se abuzimet kanë dominuar për shkak të varfërisë, diskriminimit, shkatërrimit të ambjentit natyror dhe dështime të tjera po ashtu kanë krijuar një fraxhilitet të jashtëzakonshëm në shoqëritë tona. Ka patur një goditje globale të aktivistëve të opozitës dhe mbrojtësve të të drejtave të njeriut, sulme të shtuara mbi gazetarët dhe përpjekje pëtr të shtypur fjalën e lirë, për të censuruar median, për të vënë në përdorim aplikacione gjurmimi të dëmshme dhe për të shtuar masat ekstreme të mbikqyrjes, shumë prej të cilave ka gjasa të zgjasin edhe përtej virusit. Një raport i fundit i Human Right Ëatch, zbuloi se të paktën 83 shtete kanë përdorur covid 19 si një justifikim për të sulmuar fjalën e lirë. Guterres thotë edhe se dështimi për të siguruar vaksinim të barabartë për të gjithë është edhe dështimi më i fundit moral që rrjedh nga pandemia.