Pas akuzave nga opozita se po vonon procesin për zgjedhje të reja, Presidentja e Kosovës, Vjosa Osmani është shprehur se ishte optimiste që seanca ku do të votohej për mandatarin e dytë për kryeministër do të thirrej para përfundimit të afatit të 19 nëntorit. Osmani tha se nuk mund të paragjykojë rezultatin e seancës ku do të hidhet në votim Glauk Konjufca si mandatar i dytë nga Lëvizja Vetëvendosje për të formuar Qeverinë e ardhshme, por se rëndësi ka që seanca mund të bëhet brenda afatit kushtetues dhe se më pas procesi mbetet në duart e deputetëve dhe të partive politike. ‘Me rëndësi është që seanca të ftohet brenda afatit kushtetues, dhe përderisa është brenda atij afati, nuk ka asnjë shkelje”, tha presidentja. Osmani ka ritheksuar se do të vlerësohet se Konjufca i ka gjasat për të qenë mandatari i dytë. Ajo është shprehur se kandidati për kryeministër, Konjufca, është vlerësuar nga ana e saj si Presidente se i ka mundësitë.