Top News- Orët e fundit të diplomatëve iranianë/ Çfarë ndodhi pas vendimit ekstrem të Shqipërisë

Ambasada e Iranit në Tiranë ka nisur zbrazjen e zyrave mbrëmjen e së mërkurës. Ndërkohë të pranishëm jashtë rrethimit kanë qenë dhe efektivë të policisë, teksa ultimatum ishte me afat brenda 24 orëve. Trupit diplomatik iu desh vetëm pak orë për të marrë gjithë sendet e nevojshme nga zyrat dhe më pas për t’u larguar përfundimisht. Ndër të tjera në pamjet e siguruara nga Top News duket se po bëhet dhe djegia e dokumenteve në godinë, por nuk dihen konkretisht arsyet. Vendimi u bë publik nga Kryeministri I vendit, Edi Rama. Nuk kaloi shumë kohë dhe reagoi dhe Minsitriaq e Jashtme iraniane. Në reagimin e tyre dënohet ashpër veprimi I qeverisë shqiptare, I cilësuar anti-iranian.