Liderët evropianë po stërmundohen të shpëtojnë krishtlindjen ndërsa varianti Omicron me përzierjen frankenshtajniane të mutacioneve po përfshijnë rajonin. Presidentja e komisionit evropian, Ursula von der Leyen, tha se një garë me kohën kishte nisur tani për të ndaluar variantin e ri shumë shqetësues të bëjë kërrdinë nëpër evropë. Britania e madhe, Spanja, Suedia, Danimarka, Portugalia, Holanda, Gjermania, republika Ceke, Italia dhe Belgjika, kanë raportuar raste të shtamit të ri të virusit. Liderët evropianë po marrin masa të reja në përpjekje për ta mbajtur nën kontroll variantin, me tregjet e krishtlindjeve të ndaluara dhe me fluturimet e pezulluara me disa vende të afrikës jugore. Dhe ekspertët kanë paralajmëruar se varianti mund të jetë një kërcënim i madh për vaksinat aktuale ndërsa omicron ka rreth 50 mutacione. Shkencëtarët kanë reaguar më shpejt ndaj Omicron se ndaj varianteve të tjera – tha presidenti i Moderna-s, Stiven Hoxhe, duke e cilësuar atë një përzierje frankenshtajniane mutacionesh.