Një investigim i gjerë tregoi se të paktën tetë agjentë të shërbimit sekret rus duket se e kanë kryer helmimin e kritikut të Kremlinit Alexej Navalny. Puna investigative e disa mediave tregon se Navalny u helmua nga agjentët e shërbimit sekret rus të brendshëm FSB si pjesë e një operacioni kompleks. Të paktën tetë punonjës të FSB-së janë identifikuar, raporton revista gjermane "Der Spiegel", e cila hulumtoi së bashku me platformat investigative "Bellingcat" dhe "The Insider" e CNN. Të identifikuarit janë gjashtë agjentë ekzekutues dhe dy të dyshuar si drejtues ekzekutivë. Navalny vete i shpërndau dhe ai njoftimet: "Unë e di kush donte të më vriste," tha kryeopozitari I cili publikoi edhe fotografi të tetë burrave. Kontrolli I lidhjeve të telefonave celularë, GPS dhe të dhënat e vendndodhjes, si dhe analizat e shumë listave të të pasagjerëve të linjave ruse të fluturimeve bëjnë të mundur të kuptohet se kritiku i Kremlinit ka qenë në qendër të vëmendjes së ekipit të FSB që nga viti 2017, sipas "Der Spiegel". Pas kesaj, pretendohet se agjentët e FSB kishin fluturuar ë shumë se 30 herë paraprakisht në destinacionet e udhëtimit të Navalny-t, dhe menjëherë pas tij janë kthyer në Moskë. Navalny u ndje keq nw 20 gusht në një fluturim nga Tomsku në Siberi për në Moskë, dhe dy ditw mw vonw, teksa ishte ende nw koma, u transferua për mjekim në Spitalin Universitar Charité në Berlin. Pamjet: AFP