Katër avionë luftarakë turq kanë flutuar mbi ishujt grekë, në atë që mediat vendase e kanë përshkruar si një provokim të ri të Ankarasë. Dy F16 turq kaluan fillimisht mbi Makronisi dhe Anthropof, e pak minuta më vonë, në të njëjtën zonë fluturuan edhe dy F16 të tjerë. Fluturimet, të parët në 6 mijë metra lartësi, të dytët në 4.000, erdhën në të njëjtën ditë kur ministri I jashtëm grek, Nikos Dendias I kishte tërhequr vëmendjen ambasadorit turk për komentet e tij se Greqia keqtrajton minoritetet dhe e provokon Turqinë në mënyrë të vazhduar. Takimi I Dendias me Burak Ozugergin mbi marrëdhëniet dypalëshe dhe zhvillimet rajonale paraprin një vizitë të mundshme të ministrit grek në Turqi në 14 prill. Burime diplomatike thonë se Dendias ka insistuar që Ankaraja t`i japë fund sipas tij provokimeve të cilat rrezikojnë një përshkallëzim të ri të tensiokneve ne Egje dhe Mesdheun Lindor. Ne lindjen e mesdheut, situata vitin e kaluar iu afrua rrezikshëm shpërthimit të një konflikti ushtarak, pas shpimeve për gaz të Turqisë të cilat si Greqia, ashtu edhe Qiproja I konsiderojne të paligjshme, por Ankaraja jo. Ndonësë të dyja palët thonë se nuk e duan luftën, sipas ekspertëve nuk mund të përjashtohet që nga një gabim i madh apo aksident - një përplasje anijesh apo një shkëmbim zjarri në det të hapur, të krijohet një reaksion zinxhir, I cili të përfundojë në konflikt ushtarak.