Në 2019 stilisti Philip Plein përdori llogarinë e tij personale me 2,3 milionë followers për të bërë një njoftim. Aty thuhej se gjigandi i industrisë automobilistike Ferrari kishte dërguar një letër nëpërmjet përfaqësuesve të tij ligjorë, ku i kërkohej stilistit në mënyrë gati kërcënuese që të hiqte çdo postim nw tw cilin shfaqeshin makinat e Ferrarit. Këto makina ishin përdorur nga shtëpia e modës për modelet, qw zakonisht paraqiteshin topless. Po sipas përfaqësuesve të Ferrarit, imazhet e këtyre modeleve ishin fyese, dhe jepnin mesazhin e gabuar teksa lanin makinat në një park automjetesh. Në të vërtetë lufta mes të dyve ka nisur që në 2018 pasi Ferrari e kishte hedhur nw gjyq duke e akuzuar se kishin përdorur pa leje ligjore automjetet e tij gjatë sfilatës për meshkuj. Vendimi i gjykatës së Milanos, u zbardh sw fundi dhe e detyron stilistin gjerman të heqë nga të gjithë platformat imazhet e makinave Ferrari dhe njëherësh të dëmshpërblejë firmën me 300 mijë euro plus të gjitha shpenzimet ligjore. Vetëm pak pas vendimit, stilisti Philip Plein postoi në faqen e tij zyrtare në Instagram një foto ku ishte i mbështetur në makinën e tij Ferrari, Model 812 Superfast me shënimin se kjo nuk ishte seanca e fundit, dhe se çështjen e kishte kaluar në Apel, ku procesi do të fillojë në mars të 2021.