Kompanitë ajrore janë paralajmëruar të evitojnë fluturimin në hapësirë ajrore bjelloruse pasi vendi është akuzuar se ka rrëmbyer një avion të Ryanair dhe e ka detyruar atë të ulet në mënyrë që të arrestojë një bloger anti-regjimit. Air Baltic e Letonisë ishte e para që njoftoi se nuk do të fluturojë më gjatë mbi vend për shkak të frikës për sigurinë pasi u tha se një pilot i avionit luftarak bjellorus, MiG-29 ishte autorizuar të qëllonte avionin. Avioni ushtarak kishte kërcënuar se do të rrëzonte aeroplanin e Ryanair me 123 pasagjerë në bord në përpjekjen për të arrestuar aktivistin në azil të opozitës që ndodhej në bord. Tani, franca dhe partnerët e saj evropianë po punojnë për të marrë masa për të ndaluar fluturimet mbi hapësirë ajrore bjelloruse dhe për të ndaluar kompaninë kombëtare Belavia që të hyjë në aeroportet e BE-së. “Ne po punojmë për një paketë masash që shkojnë përtej sanksioneve kundër individëve dhe që mund të pezullojë edhe lidhjet tokësore tranzit me BE-në, tha zyra e presidentit Emmanuel Macron. Shefi i Ryanair, Majkëll O’Liri, që e konsideroi incidentin si rrëmbim të sponsorizuar nga shteti, tha se besonte se agjentë sigurie kanë qenë në bord dhe kishin zbritur në Minsk.