Male Plehrash shihen në Nju Jork, ndërsa punonjësit e pastrimit të qytetit protestojnë kundër vaksinës së detyrueshme. Thasë me mbeturina janë stivosur njëri mbi tjetrin në rrugët e Nju Jorkut, në Bruklin dhe Staten Island, ndërsa makinat që mbledhin plehrat nuk shihen në rrugë. Kryebashkiaku i Nju Jorkut, Bill de Blasio ka urdhëruar vaksinimin e detyrueshëm të të gjithë punonjësve të administratës së qytetit dhe kjo nuk është pritur mirë nga shumëkush. Autoritetet kishin vendosur si skadencë orën 17.00 të mbrëmjes së të premtes, dhe kjo ka ndezur një seri grevash mes të cilat ato të sindikatave të policisë dhe zjarrfikësve si edhe të punonjësve të tjerë qeveritarë.