Presidenti i Gujanës, Irfaan Ali, ka pretenduar një mandat të dytë pesëvjeçar në detyrë, edhe pse rezultatet zyrtare përfundimtare të zgjedhjeve të përgjithshme të së hënës ende nuk janë publikuar. Partia Progresive Popullore (PPP) e Aliut siguroi të paktën 242,000 vota në zgjedhje, duke pretenduar shumicën në tetë nga 10 distriktet në vendin e Amerikës së Jugut, sipas agjencisë së lajmeve Reuters. Një parti e re politike e themeluar vetëm tre muaj më parë, doli e dyta me rreth 109,000 vota. 45-vjeçari Irfan Ali, bëri fushatë me premtimin për të përdorur rezervat e mëdha të naftës në vend, të zbuluara në vitin 2019, për të përmirësuar infrastrukturën dhe për të ulur varfërinë, ndërkohë që përballonte tensionet territoriale me fqinjët e Venezuelës. Ende nuk është e qartë se sa vende do të ketë secila parti në parlamentin me 65 anëtarë, por nënkryetari aktual, Bharrat Jagdeo, u tha mediave lokale se PPP do të kishte një "shumicë më të madhe" sesa në zgjedhjet e fundit në vitin 2020. Pavarësisht një pjesëmarrjeje më të ulët se në zgjedhjet e fundit, Partia Progresive Popullore duket se e ka rritur pjesën e saj të votave - ndërsa partia opozitare një Partneritet për Unitet Kombëtar, është renditur e treta duke humbur terren. Pjesa më e madhe e këtyre zgjedhjeve u përqendrua në mënyrën se si partitë do të menaxhonin të ardhurat nga rezervat masive të naftës të zbuluara nga gjigandi i naftës ExxonMobil në vitin 2019. Me një popullsi prej rreth 800,000 banorësh, Gujana tani ka një nga nivelet më të larta të rezervave të provuara të naftës bruto për frymë në botë - dhe është një nga ekonomitë me rritjen më të shpejtë të rajonit.