Një muze kushtuar tekstit fetar qendror të Islamit, Kuranit, është hapur në lagjen kulturore Hira të Mekës. Muzeu mban kopje të vjetra të Kuranit, dorëshkrime të rralla dhe ekspozita vizuale që tregojnë se si Libri i Shenjtë i myslimanëve është ruajtur gjatë historisë. Zëvendësguvernatori i Rajonit të Mekës, Princi Saud bin Mishaal bin Abdulaziz inauguroi Muzeun e Kuranit të Shenjtë, një atraksion i rëndësishëm në Hira, i krijuar për të pasuruar përvojën fetare dhe kulturore të banorëve dhe vizitorëve të Mekës. I ndërtuar nën mbikëqyrjen dhe mbështetjen e Komisionit Mbretëror për Qytetin e Mekës dhe Vendet e Shenjta, muzeu ndërthur njohuritë me teknologjitë moderne për të theksuar rëndësinë e Kuranit të Shenjtë si burimi kryesor i udhëzimeve për muslimanët. Sipas mediave arabe, vizitorët mund të shohin një koleksion dorëshkrimesh të rralla, kopje historike të Kuranit të Shenjtë dhe shfaqje vizuale interaktive që ilustrojnë ruajtjen e Kuranit gjatë historisë.