Presidenti çek nd0dhet prej një jave në spital, por publikut nuk i është thënë ende asgjë rreth arsyeve se pse. Presidenti Milos Zeman u dërgua më me urgjencë në spital dhe po mbahet në një njësi të kujdes intensiv. Që nga ai moment, zëdhënësi dhe mjekët nuk kanë asnjë informacion mbi diagnozën dhe sa gjatë do të qëndrojë ai në spital. Përfaqësues të politikës dhe publik kanë ngritur pikëpyetje rreth asaj nëse presidenti 77-vjeçar është i aftë të kryejë detyrat e tij, në një kohë kur Republika Çeke sapo ka mbajtur zgjedhjet e përgjithshme. Zëdhënësi i presidentit aktual tha se zoti Zeman është në gjendje të komunikojë dhe po ndjek zhvillimet në vend. Ai shtoi se qëndrimi në spital e ka penguar atë të kryejë detyrat e tij kushtetuese. Zgjedhjet e 8 dhe 9 tetorit në Çeki u fituan nga dy grupe opozitare të cilat siguruan shumicën në Dhomën e Ulët të parlamentit. Sipas kushtetutës, është detyrë e presidentit të pranojë dorëheqjen e qeverisë në largim e të emërojë një kryeministër pas mbledhjes së parlamenti të ri në seancën e tij të parë më 8 nëntor.