Një ish komandant i rebelëve në Ugandë, Dominic Ongëen është dënuar për krime lufte në Gjykatën penale ndërkombëtare. Vendimi i të enjtes është konsideruar historik pasi ish rebeli është shpallur fajtor edhe për shtatzani me forcë, një risi ligjore kjo në një gjykatë ndërkombëtare. Ongëen, një kompandant i frikshëm dhe famëkeq i Ushtrisë së Rezistencës së Zotit, LRA, është anëtari i parë i këtij grupi që del para gjykatës. Ai u shpall fajtor për 61 nga 70 akuzat për krime kundër njerëzimit dhe krime lufte me të cilat përballej. Akuzat, lidhen me sulme mbi katër kampe të personave të zhvendosur në Ugandë, në 20034. Më shumë se 4 mijë viktima dhanë dëshmitë e tyre në gjykatë. Rasti, i përballi në fakt gjykatësit me një dilemë, pasi Ongëen dukej se ishte edhe viktimë dhe agresor. Ai tha se ishte rrëmbyer nga LRA ndërsa ishte duke shkuar në shkollë dhe ishte detyruar të bëhej një ushtar-fëmijë, para se të fillonte të ngjiste shkallët e hierarkisë dhe të bëhej zëvendës i komandantit Joseph Kony.