Autoritetet talebane do të lejojnë 100 deri në 150 amerikanë të largohen me avion nga Kabuli thanë zyrtarët në Katar të enjten. Ky do të jetë fluturimi i parë civil që kur forcat amerikane u larguan nga vendi.Grupi i madh i të huajve, ndër ta shtetas amerikanë dhe të vendeve perëndimore, do të largohen me një avion të linjës ajrore Qatar Airëays, e cila ka transportuar edhe më parë ndihma humanitare drejt Afganistanit, thanë zyrtarët. Nga pista në aeroportin ndërkombëtar të Kabulit, Mutlaq bin Majed al-Qahtani, i dërguar special i Katarit, tha se fluturimi do të nisej me amerikanët dhe perëndimorët në bord.