Kur Karlos Soria lë shtëpinë e tij për tu trajnuar në malet përtej Madridit, me një maskë mbrojtëse në fytyrë, i kthehen në mendje kujtimet e himalajave. “Është e vështirë të marrësh frymë dhe kjo më kujton momentet kur jam në lartësi të mëdha”, thotë ai. 81 vjecari pret ta thithë ajrin e mangët të himalajeve edhe një herë këtë pranverë kur ai planifkon të ngjisë dhualagirin, në Nepal. Më pas, në vjeshtë, ai shpreson të ngjisë majën shishapangma në Tibet. Nëse i ngjit të dyja, ai do të bëhet personi më i moshuar që ka ngjitur të 14 majat më të larta të botës, të gjitha mbi lartësinë e 8 mijë metrave. Karlosi, një pensionist, i lindur në avila, ka ngjitur male gjatë gjithë jetës. Por në dy dekadat e fundit, është përpjekur të arrijë sa më shumë, kjo edhe për shkakun se mosha shpejt do tia komplikojë gjërat. Ai ka ngjitur 11 nga 14 majat e larta të botës që kur mbushi 60 vjec. Ai shumë shpejt u bë personi më i moshuar që ngjiti everestin, në moshën 62 vjec. në moshën 70 vjecare ai kishte përfunduar ngjitjen e majave më të larta në të shtatë kontinentet. Por arritja më e madhe për të është mënyra se si i ka bërë gjithë këto ngjitje. “Rekordi për të cilin jam vërtetë shumë krenar, është se unë nuk kam patur kurrë ndonjë problem serioz dhe nuk më është dashur kurrë të më shpëtojnë”, thotë ai. “Jam ngjitur dhe kam zbritur me këmbët e mia nga cdo majë”.