Shqipëria ka ndarë rreth 520 milionë euro buxhet për ushtrinë përgjatë vitit 2025, që përbën rreth 2.1 për qind të prodhimit të brendshëm bruto të parashikuar për këtë vit. Shuma e vendosur në dispozicion për mbrojtjen përmbush objektivin e vendosur nga NATO që prej vitit 2006 për nivelin minimal të shpenzimeve në këtë sektor. Deri para se Donald Trump të zgjidhej president i SHBA në mandatin e parë të tij, numri i vendeve që arrinin apo tejkalonin këtë nivel numërohej me gishtat e njërës dorë. Pas rritjes së presionit të Trump, shumë vende anëtare rritën shpenzimet, mes të cilave edhe Shqipëria. Por, tashmë niveli dyshime i rënë dakort në samitin e Hagës është rritur me 2.5 herë, që do të thotë se duke iu referuar prodhimit të brendshëm bruto të parashikuar për Shqipërinë për 2025, Shqipëria do të duhet të ndajë për ushtrinë 1.3 miliardë euro, që përbën rreth 16 për qind të buxhetit të ndarë për këtë vit.