Instituti Hidrometeorologjik i Kosovës ka paralajmëruar që në ditët në vijm mund të ketë përmbytje në disa pjesë të Kosovës, si pasojë e reshjeve të shiut. Në një postim në Facebook, ky Institut ka thënë se reshjet e ditëve të fundit kanë shkaktuar tashmë përmbytje të lokalizuara në pjesën perëndimore, veriperëndimore dhe veriore të Kosovës. Si pasojë e reshjeve, Instituti ka thënë se mund të jenë shkaktuar rrëshqitje dheu, mbyllje të kanalizimeve dhe vështirësi në qarkullim. Madje instituti paralajmëron se situata nuk do të përmirësohet shpejt dhe se reshjet do të vazhdojnë edhe në ditët në vijim. Si pasojë, në komunën e pejës janë regjistruar tashmë përmbytjet e para, me rrugën Bill Klinton të zhytur nën ujë dhe disa lokale afër saj që rrezikojnë të përmbyten po ashtu. Shiu në pejë madje ka hyrë edhe brenda shkollës ekonomike Ali Hadri – raporton Kosovapress.