Mos formimi I qeverisë së Kosovës po rrezikon paralizimin e shumë institucioneve të pavarura, një pjesë e të cilave po funksionon me mungesë të anëtarëve të bordeve të cilët duhen rizgjedhur. Pavarësisht se Kuvendi është konstituuar pas gjashtëdhjetë seancash, ai ende nuk është funksionalizuar si pasojë e dështimit të formimit të qeverisë së re. Këto vonesa, sipas hulumtuesit në Institutin e Kosovës për Drejtësi, Naim Jakaj, do të sjellin pasoja të mëdha. “Kosova do t’i ketë disa pasoja, të cilat ne do t’i ndiejmë edhe më vonë. Ne kemi mungesë të anëtarëve të Bordit të Autoritetit të Hekurudhave, Komisionit të Pavarur për Media, Autoritetit të Konkurrencës, Bordit të RTK-së, Avokatit të Popullit,” tha ai. Për avokatin Ardian Bajraktari nëse kriza politike vazhdon, numri i këtyre institucioneve pa borde funksionale do të rritet. Është për keqardhje fakti që një numër i konsiderueshëm institucionesh vitale për shtetin tashmë janë jofunksionale. Për fat të keq, ky numër do të shkojë gjithnjë në rritje. Edhe zgjedhjet janë një zgjidhje, pavarësisht se në bindjen time jo më e mira e mundshme. Në instancën e fundit nuk ka garanci se mund të ketë ndonjë verdikt esencial ndryshe nga ai që kemi pasur në shkurt të këtij viti, Njohësi i zhvillimeve politike, Mazllum Baraliu, thotë për KosovaPress se për shkak të mos funksionalizimit të këtyre institucioneve, dëmet mund të jenë të pariparueshme dhe me pasoja afatgjata. Janë të pariparueshme dhe të pallogaritshme dhe me pasoja afatgjata. Jo rastësisht me Kushtetutë janë paraparë institucionet e pavarura qeverisëse dhe agjencitë e caktuara. Ato, në fushat e tyre specifike, bëjnë punë me interes të jashtëzakonshëm shtetëror dhe qytetar. Mosfunksionimi i tyre ose funksionimi i mangët me ushtrues detyre pa kuorum është paralizë e atyre organeve, pasi nuk funksionojnë si duhet,