Një pushtim rus i ukrainës do të ndezë luftën e tretë botërore. Kjo është frika e Kievit. Tensionet në evropën lindore janë në qiell pasi Vladimir Putin ka mbledhur rreth 100 mijë trupa pranë kufirit me ukrainën. Julia Laputina, ministre e ukrainës për cështjet e veteranëve, tha se agresioni rus do të përhapej në të gjithë rajonin nëse vendi i saj do të pushtohej. “Nëse rusia do të na sulmojë, duhet të ktheni sytë edhe nga ballkani. Ajo që po bëjnë rusët tani në serbi, është një tentativë për të provokuar edhe në ballkan tensione. Por, ne imagjinojmë si skenarein më të keq edhe luftën e tretë botërore. E duke u ndalur tek lufta e tretë botërore, ajo shton: Në planin gjeopolitik, duket se ky është një skenar i mundshëm. Ndaj perëndimi duhet ti kushtojë vëmendje cështjes ukrainase pasi bëhet fjalë për sigurinë e kontinentit. Lufta, nëse rusia pushton ukrainën, sipas saj, do të përfshijë gjithë rajonin. Ministrja, që më herët ka shërbyer si shefe e atij që mund të konsiderohet ekuivalenti i MI5, shërbimit të brendshëm të zbulimit, tha se 400 mijë veteranët në vendin e saj, janë të gatshëm të luftojnë nëse do të jetë e nevojshme.