Ndërsa perëndimi ka paralajmëruar rusinë kundër një pushtimi të mundshëm të ukrainës, duke kërcënuar madje me pasoja të rënda, Sekretari britanik i Mbrojtjes, Ben Ëallace, tha për revistën Spectator se “ka pak gjasa” që shtetet anëtare të NATO-s të dërgojnë trupa për ta mbrojtur Ukrainën nga një sulm rus. “(Ukraina) Nuk është shtet anëtar i NATO-s dhe ka pak gjasa që dikush do të dërgojë trupa në Ukrainë për ta sfiduar Rusinë”, tha Ëallace. “Ne nuk duhet t’u themi njerëzve se do të bëjmë një gjë të tillë. Ukrainasit janë të vetëdijshëm për këtë fakt”, shtoi ai. Ëallace theksoi se Britania do të vazhdojë ta ndihmojë Ukrainën për të ndërtuar kapacitetet e saj të mbrojtjes dhe sërish e paralajmëroi Moskën për “sanksione të ashpra ekonomike” – përfshirë edhe largimin e Moskës nga rrjeti për pagesa ndërkombëtare, SËIFT – nëse e sulmon Ukrainën. Tensionet mes Moskës dhe Kievit kanë qenë të larta që prej se më 2014 Rusia aneksoi Gadishullin ukrainas të Krimesë dhe nisi mbështetjen ushtarake, politike dhe ekonomike për separatistët që po luftojnë në lindje të Ukrainës. Moska mohon se është e përfshirë në mënyrë të drejtpërdrejt në konfliktin në lindje të Ukrainës, pavarësisht se ka prova të shumta që thonë të kundërtën. Analistët perëndimorë thonë se Rusia aktualisht ka pozicionuar rreth 100,000 trupa në afërsi të kufirit me Ukrainën.