Presidenti amerikan Joe Biden ka zhvilluar një takim këtë të shtunë me homologun e tij polak, Andrzej Duda, në mesin e trazirave të dy vendeve Rusisë dhe Ukrainës, ndërsa i dha garant të plotë këtij të fundit se do të ketë mbështetjen e plotë të SHBA së nëse Rusia do të zgjerojë konflitin, pra nëse presidenti rus Vladimir Putin do sulmojë Poloninë, pas Ukrainës. “Nenin 5 të NATO-s, e konsiderojmë detyrim të shenjtë…”, raportoeht të ketë thënë Biden në takim. “Stabiliteti Europian është i një rëndësie kyçe për SHBA”, tha Biden. Neni 5 I traktatit të NATOS parashikon që një një sulm i armatosur kundër një apo më shumë vendeve, do të konsiderohet si një sulm kundrejt të gjithë atyre. “Kriteri më i rëndësishëm në këtë botë në ndryshim është që NATO të qëndrojë absolutisht, plotësisht dhe tërësisht e bashkuar, të mos ketë ndarje në linjën e saj e mendimit, dhe çfarëdo që të bëjmë, ta bëjmë në union të gjithë së bashku”, u shpreh Biden. Ndërkohë, gjatë takimit që presidenti amerikan pati me refugjatët ukrainas, ai e quajti Putinin një “kasap”, kur sheh sesi qytetarët ukrainas po vuajnë pasojat e sulmeve të tij.