Nëndetëse të reja, gjigante, të Britanisë të pajisura me silurë vdekjeprurës, raketa bërthamore dhe sisteme të fshehta drejtimi po ndërtohen, në përgatitje për tu përballur me Rusinë e Vladimir Putinit. Gjigandja HMS Dreadnought do të jetë nëndetësja më e madhe dhe më komplekse e Britanisë dhe do të trashëgojë raketat bërthamore Trident të vendit. Nëndetëset bërthamore që ngjallin frikë pritet të lundrojnë në det në "fillimin e viteve 2030", por informacionet sugjerojnë se ato do të jenë gati për shërbim para vitit 2032. Ministria britanike e Mbrojtjes tha në një postim në rrjetet sociale: “Nëndetëset e Klasit Dreadnought janë nëndetëset më të mëdha, më komplekse dhe më të afta të ndërtuara ndonjëherë në Mbretërinë e Bashkuar. “Ato do të fillojnë të zëvendësojnë klasën aktuale Vanguard nga fillimi i viteve 2030 dhe do ta mbajnë Mbretërinë e Bashkuar të sigurt 365 ditët e vitit”. Klasa Vanguard janë nëndetëset aktuale të raketave balistike të Britanisë, që u prezantuan në vitet 1990 dhe kanë një jetëgjatësi prej rreth 25 vjetësh.