Vladimir Putin është zemëruar me gazetaren e bukur amerikane se ajo nuk dëgjoi argumentet e tij në lidhje me luftën e gazit me evropën. Presidenti rus, akuzoi gazetaren e CNBC Hadley Gamble se po vepronte sikur nuk e kishte dëgjuar atë që ai tha pasi ajo e pyeti për mohimin nga ana e tij se Rusia kishte mbyllur rubinetin e gazit për evropën, gjatë një interviste në Moskë. Gjatë përplasjes verbale, Putini po ashtu la të kuptohej se ai mund të kandidonte sërish për presidencën dhe të qëndronte në pushtet deri në 2036-ën. Putin insistoi se vendi i tij i kishte mbajtur gjithnjë hapur rubinetat për evropën, madje edhe gjatë luftës së ftohtë, dhe hodhi poshtë cdo sugjerim sipas të cilit ai po reduktonte furnizimet duke i quajtur tërësisht të pabaza. Ai shfaqi irritim ndaj pretendimeve të perëndimit se ai e kishte shndërruar gazin në një armë për përfitime gjeopolitike dhe tha se liderët evropianë kishin humbur logjikën në luftën për gazin. I pyetur nëse ai do të ishte sërish president deri në moshën 84 vjecare, putin tha: Do të preferoja të mos flisja për këtë pasi ka ende shumë kohë deri në zgjedhjet e ardhshme. Kjo temë mund të rezultonte destabilizuese. Në teori, kushtetuta i lejon Putinit dy mandate të plota gjashtë vjecare duke filluar nga 2024 dhe 2030-ta. “Kushtetuta më lejon të kandidoj për një mandat tjetër por nuk kam marrë ende një vendim”, tha ai. Edhe nëse tërhiqet, putin do të mbetej senator i përjetshëm me imunitet ligjor. Ndërsa për spekulimet mbi shëndetin e tij, këtë javë, tha se ishte shumë mirë edhe pse pranoi se i nënshtrohet shpesh kontrolleve mjekësore.