Mandati i Sekretarit të Përgjithshëm të NATO-s, Jens Stoltenberg skadon më 30 shtator të këtij viti dhe sipas mediave suedeze, në krye të aleacës më të madhe në botë mund të vijë një udhëheqës nga Ballkani. Sipas raporteve në garë për këtë post është edhe kryeministri kroat Andrej Plenkovic. Emri pasuesit të Stoltenberg do të bëhet i ditur nga samiti i NATO-s në kryeqytetin lituanez Vilnius më 11 dhe 12 korrik. Javët e fundit mediat perëndimore po spekulojnë gjithnjë e më shpesh për kandidatët për pasardhës të Jens Stoltenberg dhe dje në këtë spekulim u bashkuan edhe dy gazetat e përditshme suedeze, socialdemokratja “Aftonbladet” dhe konservatorja “Svenska dagbladet”.