Jahti 100 milionë dollarësh, i quajtur Graceful, u ndërtua nga Sevmash në Rusi, me pjesën e brendshme dhe të jashtme të projektuar nga H2 Yacht Design, dhe ishte dërguar në gjermani për disa modifikime. Pjesa e brendshme përfshin sipërfaqe të shndritshme, kolltuqe të buta dhe shezllongë në kuvertë, si edhe tualete të veshura me mermer të bardhë. Por raportet nga e përditshmja gjermane Buld, sugjerojnë se superjahti është arratisur para përfundimit të punimeve, që duhet të zgjasnin edhe disa muaj dhe që përfshinin edhe dy ballkone të reja... Bild shkruan edhe se mjeti u largua nga gjermania në mesin e krizës së Ukrainës, me lëvizjen që duket si një përpjekje e qartë për ti shpëtuar një konfiskimi të mundshëm. Jahti ka qëndruar në kantierin detar Blohm and Voss që nga 2021, për tu pastruar dhe ridekoruar. I pajisur me pishinë të brendshme, helipad etj, jahti i presidentit rus tashmë është ankoruar në enklavën ruse të Kaliningradit.