Sot do të luhet finalja e Kupës së Shqipërisë mes Vllaznisë dhe Skënderbeut, një eveniment që mbyll sezonin futbollistik në vendin tonë. Në Air Albania Stadium vihen përballë dy skuadra që patën fytyra dhe objektiva të ndryshme përsa i përket kampionatit. skuadra Shlkodrane vjen në këtë finale pas zhgënjimit të pësuar në kampionat që e humbi në 90 minutëshin e fundit kundrejt Teutës e për më tepër vetëm me golavarazh pasi shkodranët e mbyllën kampionatin me të njëjtën kuotë pikësh me durrsakët. Përballë Skënderbeut, Vllaznia do të kërkojë të ngrejë një trofe që do të jetë qershia mbi tortë i sezonit të saj. Në fakt skuadra shkodrane që vinte pas ngjitjes në Superiore nga kategoria e parë zhvilloi një sezon në kufijtë e perfektes teksa luftoi deri në fund për titullin kampion dhe tani luan këtë finale të Kupës së Shqipërisë, dicka që në fillim të këtij sezoni askush nuk mund ta kishte parashikuar.