Ministrja e Shëndetësisë dhe Mbrojtjes Sociale, Evis Sala ka prezantuar këtë të martë drejtuesen e re të Qendrës Spitalore Universitare “Nënë Tereza”, Anxhela Paparizo, e cila rikthehet në Shqipëri pas 17 vitesh qëndrimi në diasporë, duke sjellë me vete mbi 20 vite eksperiencë dhe kontribut në administratën publike, si në Shqipëri, ashtu edhe në Kanada, në role drejtuese dhe menaxhuese. Ministrja Sala vlerësoi dhe falenderoi Florenc Spahon për kontributin e dhënë gjatë drejtimit të institucionit më të madh spitalor në vend. Gjatë kësaj të marte, ministrja Sala ka prezantuar dhe Arti Papajani, drejtor të Fondit të Sigurimit të Detyrueshëm të Kujdesit Shëndetësor (FSDKSH). Papajani është diplomuar në Financë-Kontabilitet, Matematikë të Aplikuar e Informatikë, si dhe në Menaxhim Shëndetësor dhe sjell një eksperiencë të gjatë në administratën publike. Ministrja Sala ka falenderuar ish drejtorin Spartak Zekja për kontributin e tij disavjeçar në krye të Fondit të Sigurimit të Detyrueshëm të Kujdesit Shëndetësor