Platforma e medias sociale, Tëitter, thotë se nuk do ti transferojë automatikisht miliona ndjekës të llogarisë zyrtare të qeverisë amerikane, nga administrata Trump tek ajo e prezidentit të zgjedhur, Biden, por do tu japë përdoruesve mundësinë të qëndrojnë ose jo. Ky veprim prek ndjekësit e llogarive që administrohen nga qeveria sikurse ajo e Shtëpisë së Bardhë, @ËhiteHouse si dhe ajo e Presidentit të SHBA-së, @POTUS, të cilat do t'i kalojnë Joe Biden-it kur ai të marrë zyrtarisht detyrën e presidentit në janar. Vendimi i Tëitter-it nuk ka të bëjë ndërkohë me llogarinë personale të Trump, @realDonaldTrump, e cila përdoret shpesh nga Presidenti Donald Trump dhe ka rreth 88 milionë ndjekës. Llogaritë zyrtare të qeverisë "nuk do t’i mbajnë automatikisht ndjekësit që kanë aktualisht”. Në vend të kësaj, Tëitter-i do të njoftojë ndjekësit e këtyre llogarive se përmbajtja do të arkivohej dhe t'u japë mundësinë atyre të zgjedhin nëse duan të vazhdojnë të ndjekin llogarinë nën administratën e re të zotit Biden", tha Tëitter në një deklaratë. Që pas daljes së rezultatit të zgjedhjeve, Tëitter-i ka nisur punën për transferimin e llogarisë së përdorur nga Trump, duke bërë të ditur gjithashtu se si qytetar i thjeshtë, ai nuk do të ketë aq liri veprimi në tejkalimin e rregullave për postimet e tij. Megjithësë nuk ndiqet aq shumë sa llogaria personale e Trump, llogaria qeveritare në tëitter e presidentit, @POTUS, ka rreth 33 milionë ndjekës dhe ajo e Shtëpisë së Bardhë, @ËhiteHouse, 26 milionë. Pamjet: AFP