Sirenat e alarmit janë dëgjuar në Mitrovicën e Veriut pasditen e së martës, ndërsa u raportua se qytetarët serbë kanë filluar të grumbullohen në qytet.Sipas disa banorëve, është thënë se në veri të Kosovës është zhvilluar një operacion arrestimi nga ana e Policise së Kosovës. Gazetarët e radios evropa e lirë ndërkohë kanë thënë se është dëgjuar edhe një shpërthim. Policia e Kosovës ende nuk është deklaruar mbi këto zhvillime.Sirenat e alarmit publik në Mitrovicë të Veriut ndizen kur nga popullata lokale kërkohet organizim për ndonjë ngjarje. Sa herë që bien sirenat në veri të Kosovës, gjë që ka ndodhur në disa raste vitet e kaluara, grupe njerëzish të organizuar dalin në rrugë, mbyllin dyqanet, lokalet e të tjera dhe organizojnë barrikada.Dy javët e fundit marrëdhëniet mes Kosovës dhe Serbisë janë tensionuar sërish pasi në katër komunat veriore janë duke u zhvilluar protesta nga grupe të serbëve lokalë të cilët po kundërshtojnë futjen në objektet komunale të kryetarëve të ri të Mitrovicës së Veriut, Zveçanit, Zubin Potokut dhe Leposaviqit.Tensionet kulmuan më 29 maj, kur në Zveçan grupe të maskuara të serbëve lënduan 30 ushtarë të KFOR-it, tre prej tyre me armë zjarri.