Ish- ylli i akademisë së Arsenalit, Billy Vigar, ka ndërruar jetë në moshën 21-vjeçare pasi pësoi një 'dëmtim të rëndë në tru' gjatë një ndeshjeje, duke e futur botën e futbollit në zi. Vigar ra në koma pasi pësoi lëndimin e tmerrshëm gjatë një ndeshjeje kundër Ëingate dhe Finchley të shtunën në Divizionin Premier të Ligës Isthmian. Mendohet se ai u përplas me një mur betoni ndërsa përpiqej ta mbante topin në lojë dhe më vonë ra në koma për shkak të plagëve të marra në pjesën e kokës. Chichester City, të cilët e kanë shtyrë ndeshjen e tyre kundër Leëes në fundjavë, shkruan në X të enjten në mbrëmje: "Me trishtim të madh, Klubi i Futbollit Chichester City duhet të konfirmojë ndarjen nga jeta të Billy Vigar." Veçmas, ata thanë: "U prehsh në paqe Billy. Përgjithmonë në zemrat e të gjithëve në Klubin e Futbollit Chichester City." Vigar ishte produkt i akademisë Hale End të Arsenalit, pasi fillimisht iu bashkua si nxënës shkolle në moshën 14 vjeç. Në vitin 2024 ai iu bashkua Hastings United dhe gjatë verës iu bashkua ekipit jo-lig të kategorisë së tretë, Chichester.