Kombëtarja shqiptare do të nisë rrugëtimin e saj të ri në kompeticionin UEFA Nations League, me katër ndeshjet e para ndaj Bjellorusisë, Finlandës dhe San Marinos, me të cilën do të përballet në dy takime. Trajneri i Kombëtares, Rolando Maran, ka publikuar listën me 29 lojtarët e grumbulluar për këto sfida. Në listë bëjnë pjesë edhe dy emra që marrin ftesën e parë me Kombëtaren, mesfushori i Hearts, Sabah Kerjota dhe mbrojtësi i Union Brescia, Samuele Sina. Ndërkohë, në skuadër rikthehen pas mungesave për shkak të dëmtimeve Rey Manaj, Ernest Muçi dhe Marash Kumbulla. Ndërkohë Armando Broja dhe Mehdi Bajrami janë lënë jashtë grumbullimit. Në listë është edhe portieri Etrit Berisha, i cili rikthehet të jetë pjesë e grupit të Kombëtares. Kështu Maran veç Berishës, ka thirrur në portë edhe Alen Sherrin, Mario Dajsinanin dhe Simon Simonin. Ndërkohë në mbrojtje janë thirrur krahas Samuele Sinës: Berat Gjimshiti, Ardian Ismajli, Marash Kumbulla, Klisman Cake, Mario Mitaj, Naser Aliji, Stavro Pilo, Elseid Hysaj dhe Ivan Balliu. në Mesfushë veç mesfushorit të Herats, Maran ka thirrur: Kristjan Asllanin, Ylber Ramadanin, Juljan Shehun, Qazim Laçin, Luis Hasën, Adrion Pajazitin, Arbër Hoxhën, Taulant Seferin, Anis Mehmetin, dhe Ernest Muçin. Kurse në sulm: Mirlind Daku, Myrto Uzuni Cristian Shpendi, dhe Manaj. Kombëtarja shqiptare nis zyrtarisht grumbullimin ditën e hënë, më 21 shtator, ku do të stërvitet në “Shtëpinë e Futbollit”. Ndërkohë biletat për dy ndeshjet ndaj Bjellorusisë dhe San Marinos do të jenë onlinë në ebileta.al, si edhe në pikën fizike pranë stadiumit “Air Albania”.