Shoqata e Naftëtarëve të Kosovës ka kundërshtuar propozim vendimin e ri të Qeverisë së Kosovës për caktimin e një marzhe të re të fitimit për shitësit e naftës dhe derivateve të saj. Ata po kërkojnë të ulë akcizën e naftës dhe uljen e TVSH-së. Mes tjerash nëse nuk merret parasysh ky propozim, kanë kërkuar të caktohen marzhat e fitimit sic kanë propozuar ata, për shitësit me shumicë 3% dhe shitësit me pakicë prej 12%. Në të kundërtën siç thanë ata do të kërkojnë kompensim për humbjet e shkaktuara që nga 1 marsi kur Qeveria caktoi marzhat e fitimit ose edhe mbylljen e të gjitha pikave të derivateve në të gjithe territorin e Kosovës. Nga takimi i sotëm që pati Shoqata e Naftëtarëve u mor vendimi që t'i dërgohen Qeverisë së Kosovës kërkesat që kanë. Ministria e Ndërmarrësisë Industrisë dhe Tregtisë pritet të marrë një vendim që do të ulë çmimin e naftës. Nga kjo bëhet e ditur se fitimi i shitësve me pakicë do të jetë deri në 10 centë e i shitësve me shumicë 2 ose 3 centë. Më një mars kjo ministri kishte nxjerrë vendim për marzhën e fitimit të shitësve me pakicë prej 6% dhe atyre me shumicë 4%. Në Kosovë nafta aktualisht shitet për 1.82 centë, çka MINT thotë se është i nevojshëm ky vendim.