Moska u përfshi nga reshje të dendura dëbore, duke bërë që të gjithë njerëzit të rivishnin edhe njëherë xhupat. Rikthimi i të ftohtit dimëror në kryeqytetin rus gjatë muajit prill është tejet i rallë. Por probleme në këto ditë të ftohta ka pasur edhe në front, pasi ushtarët po përballen krahas plumbave e dronëve ukrainas edhe me acarin e temperaturat e ulëta. Sinoptikanët nga ana tjetër ngritën alarmin pasi po dëmtohen sythat, duke rritur mundësinë që prodhimi në pemëtari të jetë më i pakët vitin që vjen. "Sythat tashmë po fryhen dhe ne po dëshirojmë lulëzimin, ngrohtësinë dhe pranverën. Pra, dimri duhet të jetë dimër - por tani nuk është koha për të, mendoj", tha një banore e Moskës për AFP. Ndërkohë të tjerë thanë se një situatë e tillë është tejet e rrallë. Reshje të dendura bore ka pasur dhe në zona të tjera të Rusisë, ku acari vijon të jetë prezent.