Në prag të zgjedhjeve vendore që do të zhvillohen më 14 maj, deputeti i Partisë Socialiste, Erion Braçe i ka bërë thirrje bujqve që të mos shkojnë nëpër furriqe partish për ndihmat e premtuara, por të adresojnë shqetësimet e tyre në organet përkatëse. Kësaj çështjeje, deputeti i PS shpeshherë i ka dhënë zë edhe në foltoren e Kuvendit, duke përmendur me trishtim dosjet e panumërta që sot fermerët mbajnë në duar, ende të pazgjidhura. Me anë të një postimi në rrjetin social ‘Facebook’, Erion Braçe drejtuar fermerëve ka kërkuar të mos paguajnë asnjë lekë nëpër parti qe vec vjedhin, per te aplikuar per naften falas per bujqesine, pasi sipas tij ata nuk kane asnje garanci dhe në fund as do ta marrin atë naftë. Duke thënë se nuk njihen askund firmat e furrikut, Brace shtoi se duhet ti drejtohen drejtorive të bujqësisë dhe të aplikojnë për naftën.