Edi Rama shpërfilli kërkesën e protestuesve për dorëheqje dhe në daljen e radhës në orët e para të mëngjesit të së shtunës premtoi dëmshpërblim për të gjitha bizneset e dëmtuara gjatë tubimeve. rama - Prej ditës së sotshme çdo biznes i vogël që është dëmtuar nga vala e dhunës qorre ka një dritare në e-Albania ku do të mund të regjistrojë dëmin. Ndërkohë sikundër i thashë edhe miqve të dëmtuar këtu në këtë biznes të vogël, 10 grupe verifikimi nga Drejtoria e Tatimeve do të jenë në terren për të mbledhur të dhënat e dëmeve mbi biznesin e vogël të kryeqytetit. Ne do të jemi bashkë, do të jemi bashkë me çdo familje që jeton me punë të ndershme në Tiranë dhe që ka humbur pasurinë e do t'i kthejmë këto gërmadha verbërie në shëmbëlltyra të forcës sonë për të ecur përpara. Ai këmbëngul se ata që po djegin Tiranën nuk janë studentë, por premtoi se studentët që i janë bashkuar protestës do t’i dëgjojë.