Policia e Sarandës ka arrestuar 33-vjeçarin Geraldo Obzova, I cili mori peng të ditën e mërkurë për disa minuta në një automjet një shtetas 19 vjeç. Sipas deklarimeve të dhëna para oficerëve të policisë gjyqësore, 19-vjeçari nuk ka pranuar se ishte marrë forcërisht, por hetimet e mëtejshme bënë të mundur zbardhjen e plotë të rastit, duke çuar efektivër në një përfundim tjetër nga ai i deklaruar prej të riut. Pas hetimeve, policia zbulon se 33-vjeçarin Geraldo Obzova, rreth orës 13:30 se të mërkurës (24.09.2025) pas një konflikti për motive të dobëta në fshatin Metoq, ka marrë kundër vullnetit të tij në automjetin tip “Mercedes-Benz” një 19-vjeçar, duke e mbajtur aty për një kohë të shkurtër dhe më pas e ka lënë të lirë. Materialet procedurale i janë referuar Prokurorisë Sarandë, për veprime të mëtejshme, për veprën penale “Heqja e paligjshme e lirisë”. Geraldo Obzova është një emër i njohur për policinë, pasi rezulton i përfshirë në vjedhje, mbajtje pa leje të armëve të zjarrit dhe kultivim të bimëve narkotike. Policia e konsideron atë si një person me rrezikshmëri të lartë.