Me debate është zhvilluar edhe mbledhja e kësaj të marte e Konferencës së Kryetarëve. Përfaqësuesit e PD kërkojnë miratimin e kërkesës për mocion me debat mbi prioritet e shpallura të Qeverisë në programin politik të saj, si dhe ndërhyrjen e krimit të organizuar në jetën publike. Sipas Bardhit, mosmiratimi I saj tregon se kush në të vërtetë po I ikën debatit. CITIM Konferenca e Kryetareve nuk vlerëson përmbajtjen e kërkesës për mocion. Konferenca vendos vetëm datën. Kërkesa është konform rregullores dhe ka një pikë, aspiratën e Shqipërisë për në Bashkimin Europian. Keni qenë ju që keni bërtitur në Kuvend se opozita nuk do debat. Sot jeni ju që po e faktoni se kush nuk do debat, kush nuk ka një bilanc për tu përballur në debat, kush nuk ka një program të qartë për atë që e keni shpallur prioritet, pra antarësimin në BE. Nga njëra anë bërtisni se kemi krijuar jo normalitet në Kuvend nga ana tjetër refuzoni debatin. Ndërkohë kreu I grupit të PS, Taulant Balla, kërkoi që kërkesa për mocion me debat të riformulohet, e të ketë vetëm një çështje. Sipas tij, kjo është ajo që duhet bërë konform rregullores, dhe më pas do të ketë edhe votat e PS.