Sekondat e heshtjes në nder të viktimave të gjenocidit të Srebenicës, ja lanë vendin akuzave të forta për raportet e politikanëve shqiptarë me ata serbë apo edhe për mangësitë e projekt rezolutës të propozuar nga socialistët. I pranishëm në seancë ishte ambasadori i Bosnjë dhe Hercegovinës, teksa një mesazh mbërriti edhe nga presidenti boshnjak Shefik Xhaferoviç. Falenderoj të gjithë deputetët e parlamentit të Shqipërisë për miratimin e rezolutës për gjenocidin e Srebenisës. Në të vërtetë ky është respekt për viktimat. Ky është një akt thelbësor dhe shumë i rëndësishëm për të gjithë rajonin e Ballkanit Perëndimor.