Një ngjarje e rëndë me pasojë vdekjen është shënuar mesditën e kësaj të mërkure në një nga galeritë private të Zonës D, në Bulqizë. Një 38 vjeçar me detyrë minator është aksidentuar gjatë punës nga shembja e mineralit të kromit duke e zënë poshtë. Fillimisht aksidenti është pikasur nga kolegët e 38-vjeçarit, të cilët janë munduar ti japin ndihmën e parë por fatkëqësisht i riu kishte ndërruar jetë për shkak të plagëve të rënda në trup. Ndërkohë që pritet ekspertiza e trupit të pajetë 38 vjeçarit, grupi hetimor ka nisur hetimet rreth ketij aksidenti të rëndë ku dhe ka shoqëruar në komisariatin e Bulqizës përsonat drejtues të subjektit minerar për tu marrë në pyetje rreth shkaqeve të aksidentit. Ky është aksidenti I tretë me pasojë vdekjen brenda vitit, tek zona D, në minierat e Bulqizës.