Një ngjarje e pazakontë ka ndodhur në kanada kur një meteorit ka përfunduar drejt e në krevatin e një gruaje. Ndërsa flinte në shtëpinë e saj, pensionistja Ruth Hamilton është zgjuar, në mesin e natës, nga një zhurmë e frikshme. Një vrimë në cati i ka treguar se nga kishte ardhur një gur gri që kishte përfunduar mes carcafëve të saj në shtëpinë në Kolumbian britanike. Guri, sic raporton Neë York Times, peshonte thuajse dy kilogramë dhe kishte përmasat e një grushti të madh. Natën në të cilën meteori ra mbi shtëpinë e pensionistes, ishin sinjalizuar edhe zhurma dhe fasha drite të pazakonta në qiellin e një qyteze në lindje të Vankuverit. Ajo që ka ndodhur e ka lënë të moshuarën në gjendje shoku por ka mahnitur internetin dhe u ka dhënë shkencëtarëve mundësinë të studiojnë një gur hapësinor të rënë në tokë. Ndodh shpesh që meteorët të ndjekin një trajektore direkte drejt planetit tonë por është e rrallë në fakt mundësia që të arrijnë të përshkojnë atmosferën dhe të përfundojnë në sipërfaqen e tokës. Fillimisht skuadrat e shpëtimit kanë menduar se guri vinte nga një kantier ndërtimi në rrugë, afër shtëpisë së të moshuarës, por pas disa verifikimesh rezultoi se asnjë punëtor nuk ishte i pranishëm dhe nuk kishte patur as ndonjë shpërthim. Një kërkues i universitetit të ontarios konfirmoi më pas se guri ishte një meteor që vinte nga një asteroid ndërkohë që shanset që një shkëmb i tillë hapësinor të përfundojë në krevatin e ndokujt, në një vit, janë afërsisht një në mbi 100 miliardë.