Rainer Rudolfin është diplomati që do të pasojë, ambasadorin e Gjermanisë, Jorn Rohde pas pesë viteve të qëndrimit në Kosovë. Para largimit nga Kosova, Rohde ka folur për punën e tij në Kosovë, ndërsa ka kërkuar nga Qeveria të formojë Asociacionin dhe që Serbia të njohë Kosovën si shtet të pavarur dhe sovran. Diplomati gjerman tha se Qeveria është e detyruar të përmbushë nevojat e komunitetit minoritar dhe të plotësojë kërkesat e tyre dhe anasjelltas. Rohde është shprehur se komuniteti minoritar është I detyruar të tregojë se e konsideron Kosovën, si shtetin e tij. Teksa sjell vendimin e qeverisë së Kosovës, si shembull të mire për zbatimin e aktit të Gjykatës Kushtetuese për pronësinë e Manastirit të Deçanit, si shembull të mirë, diplomati gjerman shprehet se kjo është një dëshmi e qartë që të drejtat e pakicave do të respektohen dhe zbatohen. “Sipas meje, veprimi me mirëbesim do të thotë që Kosova të nisë zbatimin e Asociacionit të Komunave me Shumicë Serbe – që do të thotë se serbët e Kosovës do të kenë vetëqeverisje mbi institucionet shëndetësore dhe arsimore brenda sistemit të Kosovës dhe Serbia të pranojë që Kosova është një shtet sovran në çdo formë”, është shprehur diplomati