Bundesëehri ka nevojë urgjente për më shumë trupa dhe për këtë janë dakord partitë e koalicionit qeverisës. Kancelari Friedrich Merz, dëshiron ta bëjë Bundesëehr-in ushtrinë më të fortë konvencionale në Evropë, e cila kërkon pajisje më të mira dhe dukshëm më shumë se 183,000 anëtarët aktualë. Bazuar te popullsia, por edhe te udhëzimevet e NATO-s, Bundesëehr-i duhet të rritet me 60,000 ushtarë. Por se si do të arrihet kjo, është temë debati. Opinionet janë të ndryshme. Socialdemokratët e shohin zgjidhjen te reforma e shërbimit ushtarak vullnetar. Megjithatë, jo të gjithë janë të kënaqur me projektligjin e paraqitur nga Ministria e Mbrojtjes. Mosmarrëveshja në koalicion përqendrohet te një nga çështjet më të rëndësishme të politikës së sigurisë: aftësinë mbrojtëse të Gjermanisë. Sipas projektligjit, shërbimi ushtarak duhet të bëhet më tërheqës nga viti 2026, por mbetet në dorën e të rinjve që të zgjedhin. Nuk parashikohet që të ketë një detyrim ushtarak siç ekzistonte në Gjermani deri në vitin 2011. Vullnetarizmi është jashtëzakonisht i rëndësishëm për socialdemokratët pasi ata e konsiderojnë shërbimin ushtarak si një ndërhyrje shumë të madhe në jetën e të rinjve. Ministri i Mbrojtjes, Boris Pistorius, është i bindur se kjo mund të mjaftojë. Një shërbim ushtarak vullnetar, më interesant dhe më i paguar se ai aktual do të tërheqë mjaftueshëm të rinj, beson ai. Paga e ushtarëve duhet të rritet ndjeshëm, trajnimi duhet të modernizohet dhe zgjerohet, për shembull në përdorimin e dronëve. Oferta përfshin gjithashtu kurse gjuhe dhe mundësi të tjera. Shërbimi duhet të zgjasë të paktën gjashtë muaj. Por optimizmi i Ministrit të Mbrojtjes nuk ndahet nga të gjithë. Në situatën aktuale nuk mjafton të mbështetemi vetëm në faktin se do të ketë mjaftueshëm vullnetarë, thonë zyrtarë të koalicionit. CDU dhe CSU do të donte që shërbimi ushtarak i detyrueshëm të rikthehej pasi dyshojnë se vullnetarizmi mund të jetë i suksesshëm përballë kërcënimit në rritje nga rusia.