Në një takim virtual me parlamentarët e vendeve anëtarë dhe kandidate të BE-së, kancelarja gjermane Angela Merkel, u shpreh skeptike për çeljen e negociatave me Shqipërinë qw këtë vit, ndwrsa shpreson qw të hapë konferencën ndërqeveritare me Maqedoninë e Veriut. Ajo tha se uron që Bullgaria dhe Maqedonia e Veriut do tw arrijnw ta shmangin grindjen e tyre. Pwr Shqipwrinw sakaq, drita jeshile nuk duket e afwrt. “ Në rastin e Shqipërisë çështja është pak më ndryshe. Me gjithë përparimet, nuk mund të premtoj se do të ndodhë që këtë vit, por shumë shpejt”, tha Merkel. "Sa i përket Serbisë, ajo duhet të bëjë përparime në marrëdhëniet e saj me Kosovën", u shpreh kancelarja. Ajo ritheksoi edhe njëherë se e ardhmja e vendeve të Ballkanit Perëndimor është në BE. Nw 7 dhjetor ministrat e Jashtëm dhe të Europës së BE-së do të vendosin për çeljen zyrtare të negociatave me Maqedoninë e Veriut dhe Shqipërinë. Vendimi përkatës është marrë në mars të këtij viti. Për shkak të grindjes mes Bullgarisë dhe Maqedonisë së Veriut për përkatësisë historike të maqedonasve, Sofia ka paralajmëruar se do t`i vërë veton hapjes se konferencë së parë ndërqeveritare. Shpresat janw që së paku Bullgaria të mos pengojë miratimin e kornizës negociuese. Në rastin e Shqipërisë nuk pritet as miratimi i kornizës negociuese, pasi vendi nuk i ka plotësuar parakushtet e vëna nga BE-ja dhe Bundestagu Gjerman. Ndwrkohw mw herwt, as vetw Presidenti maqedonas, Stevo Pendarovski nuk u shfaq optimist se negocitat do tw hapen kwtw vit. Nw draftin e konkluzioneve të këshillit të Bashkimit europian, të siguruar nga Top Channel, nuk përmendet asnjë datë pwr hapjen e negocjatave mw tw dy vendet, pavarwsisht se nënvizohet pritshmëria qw bisedimet tw nisin sa mw parw.